Во рамките на Меѓународниот филмски фестивал во Дубаи, беше одржана гала на „Global Gift Foundation“, непрофитна организација фокусирана на олеснување на животот на деца, жени и семејства.
Ева Лонгорија отпатува во Обединетите Арапски Емирати специјално за хуманитарната свечена вечера и влезе во улогата на домаќинка за бројни великодушни гости.
39-годишната ѕвезда шармираше во деликатна жолто-бела креација со чипка од модниот бренд Ali Younes.
Популарната актерка во неколку наврати има изјавено дека нејзината сестра ја мотивира да се вклучува во сè повеќе хуманитарни активности. „Израснав со сестра со специјални потреби. Таа е прекрасна личност и светлина во животите на сите во моето семејство“ – вели Лонгорија.
Во својот говор, Ева им се заблагодарила на присутните и изјавила дека се чувствува привилегирана што може да им помага на немоќните лица. „Дубаи е прекрасна и дарежлива заедница, па прекрасно е да се биде тука“ – рекла таа.
