Carla Ruiz нуди атрактивни решенија за модните дилеми на дамите за посвечените прилики. Шпанскиот бренд, во чии темели е цементирана идејата за истакнување на женската убавина и елеганција, изненадува со вечерни и коктел фустани во кои би заблескала секоја жена.
Новата колекција е хармоничен микс на романтизам, сексапил и префинетост, при што посебен акцент е ставен на деталите.
Деликатна чипка, женствено плисе, разиграни набори и богата тантела ги збогатуваат моделите кај кои преовладуваат кралска сина, небесно сина, тиркизна, смарагдно зелена, розова, млечно пурпурна и корална боја.
