Џесика Частејн за првпат ја краси модната библија „Вог“. Сликарството и модата се спојуваат на фотографиите кои се дело на незаменливата Ени Либовиц.
За корицата, 36-годишната актерка позира во жолт фустан, пресоздавајќи го познатото дело на Фредерик Лејтон „Flaming June“ (Зажарениот јуни).
На останатите фотографии, кои се инспирирани од уметнички дела на Феликс Валотон, Андерс Цорн, Густав Климт, Винсент ван Гог и Рене Магрит, Частејн носи креации од Александар Ванг, Оскар де ла Рента, Вера Ванг и Александар МекКвин.
