Откако Чарли Ханам се откажа од улогата на Кристијан Греј во филмската верзија на еротскиот роман „Fifty Shades of Grey“, се раширија различни гласини за тоа кој актер ќе ја добие главната улога.
Сега странските медиуми потврдуваат дека Џејми Дорнан е избран за улогата на богатиот бизнисмен Кристијан, кој влегува во страсна садо-мазо сексуална врска со младата и неискусна г-ца Стил.
31-годишниот Дорнан е актер и музичар, а успешно работеше и како модел. Тој беше дел од филмот „Marie Antoinette“ на Софија Копола, а продолжува да привлекува фанови со телевизиските серии „Once Upon a Time“ и „The Fall“. Привлечниот изглед му помогна да стигне до рекламни кампањи за модни брендови како Келвин Клајн, Диор и Армани.
Дакота Џонсон ја доби главната женска улога во „Fifty Shades of Grey“, додека Сем Тејлор-Вуд ќе биде режисерка на филмот, кој е планирано да излезе на 1 август 2014 година.
Дакота Џонсон
Иако добија многу критики поради „сиромашниот“ начин на изразување, книгите на Е. Л. Џејмс се искачија на врвот на листите на најпродавани книги во светот.
