Кејт Винслет нежно го галеше своето трудничко стомаче додека ги шармираше присутните на Лондонскиот филмски фестивал. Славната добитничка на Оскар блесна во елегантен црвен фустан од Џени Пекам на премиерата на својот најнов филм „Labor Day“.
Винслет го очекува своето трето дете. Ова е прво дете на филмската ѕвезда од „Titanic“ со новиот сопруг Нед Рокенрол.
Кејт неодамна сподели дека за разлика од многу други ѕвезди, нема да брза веднаш да се врати во форма по породувањето и дека рамниот стомак воопшто не е на врвот на нејзините приоритети. „Видете, имам 37 години. Имаме еден живот. Не сакам да си го потрошам времето размислувајќи за големината на мојот задник. Сакам да бидам колку што е можно поздрава и да се забавувам колку што е можно повеќе. Сакам да бидам со моите деца. Тоа е тоа. Тие ми се приоритетите, а не рамниот стомак“ – изјави таа на почетокот нa месецов за Hello!.
