Бред Пит и Анџелина Џоли ја зголемија еуфоријата во Лондон, појавувајќи се на црвениот тепих по повод доделувањето на наградите BAFTA.
За свечената вечер, 50-годишниот актер и 38-годишната актерка беа облечени во ист стил – црни костуми со бели кошули и лакирани обувки.
Анџелина избра полежерна варијација која доаѓа од модната куќа Сен Лоран, додека нејзиниот свршеник избра смокинг од италијанскиот бренд Валентино.
Славниот пар долета во Лондон затоа што филмот „12 Years A Slave“ е номиниран во неколку категории. Бред Пит е еден од продуцентите на историската драма.