Алиша Кис го краси јулското издание на британското Marie Claire. На фотографиите 32-годишната музичка ѕвезда позира во неколку елегантни креации.
Во интервјуто за списанието, Кис открила дека кога за првпат го запознала својот сопруг Свиз Биц, воопшто не го сакала. „Искрено не ми допаѓаше толку многу. Сметав дека сака да се покажува и да привлекува внимание. Свиз ги имаше најбрзите автомобили, најголемите парчиња накит, највпечатливите сакоа, со него сè е навистина пресилено. Порано го гледав и си велев: Колку ме нервира“ – изјавила таа.
„Мислам дека се научивме многу еден од друг. Тој ме научи како да живеам поисполнет живот, јас го научив како да живее подлабок живот“ – дополнила Кис.
