Ева Мендес е меѓу среќничките коишто можат да се пофалат со младолик изглед кој не ја издава возраста. Популарната актерка го прослави својот 42. роденден.
Мендес ја започна својата кариера во филмската индустрија во доцните 90-ти години и ги придоби милионите обожаватели со „Hitch“, „The Place Beyond the Pines“, „Fast Five“ и „We Own the Night“.
Шармантната актерка веќе подолг период плива и во дизајнерските води. Tаа неколку сезони креира модни колекции во соработка со американскиот бренд „New York & Company“.
Мендес е во врска со холивудскиот заводник Рајан Гослинг и заедно имаат едно дете – ќеркичката Есмералда Амада.
Без оглед дали е на обична прошетка или на црвениот тепих, Ева секогаш изгледа елегантно и женствено. Во нејзиниот плакар доминираат женствени фустани и здолништа, а отсуствуваат тесни фармерки. „Секогаш носам фустани, здолништа – сметам дека се многу лесни. Луѓето велат: Обожавам фармерки, толку се кежуал и лесни. Но, јас сметам дека фармерките не се лесни. Тие ми се најголем кошмар“ – вели таа.
По повод нејзиниот роденден, навратете се на 42 стилски моменти на Ева.
