Фит и заљубени во Тајланд: Саша Ковачевиќ ужива со вереницата Зорана и нејзината ќерка која ја сака како свое дете

Три месеци откако ја побара саканата Зорана Тасовац да му биде жена, Саша Ковачевиќ отпатува со неа во Тајланд.

40-годишниот српски пејач уживаше и се забавуваше со својата вереница и нејзината ќерка Искра, а нивното егзотично патување не помина незабележано на социјалните мрежи.

Саша повеќепати има изјавено дека ја обожава ќерката на Зорана и дека ја сака како свое дете.

„Не ѝ сум биолошки татко, но ја викам мое дете. И утре, кога ќе имам биолошко дете, Искра секогаш ќе биде мое прво дете“ – рече тој во едно интервју.

Големо внимание привлече и физичката форма на Ковачевиќ.

Се водам по свој режим повеќе од 7 години. Многу сум строг и кога станува збор за храната и кога станува збор за вежбањето. Се случувало и повеќе од половина година  да не изедам ни коцка чоколадо, толку сум дисциплиниран. Тоа е мој начин на живот – изјавил Саша.

Ковачевиќ ја запроси Зорана во октомври 2025 година.