Големиот хит „Finding Nemo“ конечно ќе добие свое продолжение. Од Disney Pixar соопштија дека следува возбудливо продолжение на анимираната авантура кое ќе се фокусира на хумористичната сина риба Дори.
Елен Деџенерис, која стои зад ликот на Дори, го изрази своето задоволство што најпосле „Finding Nemo“ ќе добие втор дел.
„Го чекав овој ден долго, долго, долго, долго време. Не сум лута што им требаше толку време. Знам дека луѓето од Pixar беа зафатени креирајќи го „Toy Story 16“. Но, времето кое им беше потребно не беше залудно искористено. Сценариото е фантастично. И има сè што сакав во првиот филм: Има многу срце, навистина е смешен и најдобриот дел е што ја има повеќе Дори“ – изјавила таа.
„Finding Dory“ ќе се појави на големите екрани во 2015 година.