Џош Духамел и Ферги на свадбата.
Атрактивниот актер Џош Духамел ја изненадил својата сопруга Ферги со мала романтична церемонија на која си ги обновиле своите брачни завети.
Џош и Ферги стапија во брак на 10 јануари минатата година со голема церемонија. Но, сега Џош решил дека обновувањето на заветите е интимна прослава и затоа тајно организирал церемонија на која што присуствувале само тие двајцата и свештеникот.
„Ферги плачеше и беше многу емоционална“ – пишува веб сајтот RadarOnline.com, потпирајќи се на изјавата на сведок на настанот.
Изненадувањето за Ферги започнало кога ги пречекал хеликоптер во Лос Анџелес и ги однесол до Санта Барбара. Оттаму, парот со лимузина се упатил до луксузен хотел, каде и се одржала 15-минутната романтична церемонија.
Во октомври, Џош беше обвинет за неверство од страна на стриптизерката Никол Форестер. Но, и покрај упорноста на Форестер, Џош никогаш јавно не призна дека ја изневерил Ферги.
Можеби целото ова изненадување е начин Џош да се искупи за грешките или навистина е потврда на нивната љубов.