Black Eyed Peas
По скандалозното признание на стриптизерката Никол Форестер дека спиела со актерот Џош Духамел, неговата сопруга, атрактивната Ферги, ја доби целосната поткрепа од својата мајка и членовите на групата Black Eyed Peas.
Блиските на Ферги и Џош неколкупати изјавија дека се на страната на Џош и дека младото семејство нема никакви проблеми во бракот.
„Сè е во ред. Ние сме семејство и нема да дозволиме некакви глупости да нè онерасположат. Ги познавам мојот брат и сестра и знам колку многу се сакаат“ – изјави Табу од Black Eyed Peas, коментирајќи ги Ферги и Џош.
Во меѓувреме Ферги доби и извинување од стриптизерката, која помина на детектор за лаги за да докаже дека спиела со Џош.
„Многу ми е жал. Мислев дека никој нема да дознае и дека никој нема да биде повреден. Жалам што тогаш не размислував како што размислувам сега.“ – изјави 34-годишната Форестер.