„Фала што ми роди најубави деца“: Душко Тошиќ ја расплака Карлеуша на роденденот на ќерките
Јелена Карлеуша и Душко Тошиќ направија гламурозна забава по повод родендените на нивните ќерки, Атина и Ника.
Во хотелот „Хилтон“ во Белград, поранешниот пар го прослави полнолетството на Атина и 17-тиот роденден на Ника.
За време на разговор со новинарите, 41-годишниот фудбалер ја расплака 48-годишната пејачка со својата изјава во која ѝ кажа колку многу се гордее со неа, бидејќи додека тој градеше кариера во неколку земји, таа се грижеше за нивните ќерки во Србија.
„Не почувствував како поминаа овие 18 години, бидејќи играв фудбал низ Германија, Франција, Турција... Јелена беше постојано со нив.“
„Ѝ се заблагодарувам на Јелена и многу сум горд на неа. Малку време поминав со нив, а таа ги воспитуваше и многу сум горд“ – изјави тој.
Јелена веднаш му возврати со комплименти:
„Душко е најпрекрасниот татко што може да биде. Иако мене брзо ми помина времето, немам чувство дека пораснале. Засекогаш ќе бидат мои бебиња“ – изјави музичката ѕвезда.
„А тебе мама, ти честитам и ти благодарам што ми роди најубави деца“ – ѝ рече Душко на Јелена откако им се заблагодари на сите за присуството.