Викторија Бекам ја избра својата најдобра пријателка Ева Лонгорија да ѝ биде кума на нејзината неродена ќеркичка.
Бекамови разгледувале како опција и други звучни имиња како Гордон Ремзи, Хајди Клум и Сил и Кејт и Вилијам, но сепак се одлучиле значајната улога да ѝ ја доверат на Ева.
Ева Лонгорија и Викторија Бекам
„Викторија му предложи на Дејвид и двајцата се согласија дека ја сакаат Ева. Таа е екстремно почестена“ – изјавил близок пријател на семејството за британскиот весник The Sun.
Ќерката на Викторија и Дејвид Бекам, ако сè оди според план, треба да пристигне на свет на 4 јули, кога 37-годишната дизајнерка има закажано породување со царски рез.
Но, нема само ќерката на Бекамови да може да се фали со славна кума. Нивните два сина Бруклин и Ромео ги имаат за кумови Елизабет Харли и Елтон Џон.