Откако направи подолга пауза за да се посвети на малото синче кое се бореше со рак, Луисана Лопилато им се врати на професионалните обврски.
Аргентинската актерка со широка насмевка блескаше на премиерата на нејзиниот нов филм „Perdidas“ во Буенос Аирес, Аргентина.
30-годишната ѕвезда, која кај нас е позната по улогата на Миа Колучи во серијата „Млади бунтовници“, носеше свечен фустан во мастило-сина нијанса.
Луисана е бремена со третото дете со пејачот Мајкл Бубле, кој не ја пропушти нејзината премиера.
Парот ги шокираа своите фанови кога во ноември 2016 година објави дека Ноа се бори со рак на црниот дроб. Тие веднаш се повлекоа од сцената и се посветија на приватниот живот.
Неколку месеци по страшната дијагноза, семејството сподели дека Ноа одлично напредува. „Сакам да споделам со сите вас дека благодарение на Бог, син ми е добро. Секако, процесот е долг, како што знаете сите, и Ноа мора да продолжи со контроли. Но, ние сме многу среќни и многу сакаме да размислуваме за иднината, да ги гледаме нашите синови како растат. Тешко е да се зборува, бидејќи сето тоа се случи пред многу кратко време, па јас сум малку чувствителна на оваа тема“ – изјави Луисана.
