Елегантна дама меѓу куп мажи: Брижит Макрон со сопругот и фудбалерите славеше за победата на Франција
Брижит и Емануел Макрон ја пречекаа француската фудбалска репрезентација за заедно да ја прослават победата на Светското првенство.
За прославата во Елисејската палата во Париз, 65-годишната прва дама на Франција избра креација од Луј Витон во складна боја со костумите на спортистите и сопругот.
Брижит со насмевка позираше покрај 40-годишниот претседател на Франција, а подоцна се фотографираше со победничкиот трофеј.
„Триколорите“ беа пречекани на познатата улица Шанз-Елизе од околу 500.000 фанови.
