Сигурно многупати сте се чуделе како Лејди Гага успева да се задржи на нозе покрај тоа што носи екстремно високи обувки, кои понекогаш се толку невообичаени што немаат штикла. Навистина Гага успеваше многупати да ја победи гравитацијата, но тоа не било случај вчера на аеродромот Хитроу во Лондон.
Ексцентричната пејачка изгубила рамнотежа и се спружила на земјата поради енормно високите чизми. Нејзиниот телохранител набрзо ѝ помогнал да се исправи на нозе и таа гордо продолжила да оди.
Тешко дека некој друг освен Гага ќе се осмели да ги носи чизмите кои се креација на дизајнерот Норитака Татехана.