Карл Лагерфелд и Каја Гербер имаат заедничка колекција. Популарниот дизајнер, кој долги години стои на врвот на модната куќа Шанел, ја покани ќерката на Синди Крафорд за создавањето на колекцијата Karl Lagerfeld x Kaia.
„Karl Lagerfeld x Kaia ја комбинира неговата париска естетика со нејзината самоуверена визија и стилот на Лос Анџелес“ - стои во соопштението за колекцијата која ќе биде лансирана на крајот на месецов.
За соработката со 84-годишниот дизајнер, 16-годишниот модел вели: „Ми се допаѓаше што бев дел од креативниот процес, а работењето со Карл е сон.“
