Дрејк со слаткото синче ја прими наградата „Изведувач на деценијата“, малото момче се расплака пред публиката

Дрејк беше почестен со наградата Изведувач на деценијата на Billboard Music Awards. На манифестацијата во Лос Анџелес, 34-годишниот рапер се појави со синчето Адонис.

Големата сцена и публиката очигледно не му годеа на малото детенце, па додека Дрејк држеше говор, тоа изгледаше исплашено и силно му ги прегрнуваше нозете.

„Поминав небројни часови обидувајќи се да ги анализирам сите нешта кои сум ги направил погрешно, но вечерва, барем еднаш, сигурен сум дека направивме нешто правилно“ – рече Дрејк, потенцирајќи дека секогаш се труди да биде што подобар и дека е многу самокритички настроен во однос на музиката.

На крајот на говорот, Дрејк го крена 3-годишниот Адонис за да порача дека му ја посветува наградата, а во тој момент, момчето се расплака.

Во рацете на Дрејк заврши и наградата Изведувач со најстримувани песни.