Џоан Колинс ги отвори вратите на својот дом за списанието Hello! и не пропушти да каже збор-два за нејзините современи колешки од Холивуд.
77-годишната актерка со последното интервју покажа дека воопшто не се плаши да го искаже своето мислење, без разлика на тоа дали некој ќе остане засегнат.
Таа предупреди дека времето на класичната холивудска убавина е завршено и дека денес нема вистински убавици во Холивуд. Сепак, Колинс смета дека постои една убавица која може да се мери со убавината на Ава Гардер или Лана Тарнер.
“
Морам да кажам, денес нема многу актерки кои изгледаат убаво. Тука е Анџелина Џоли и... Анџелина Џоли. Џенифер Анистон е слатка, но не би рекла дека е убава. Таа не е Ава Гарднер или Лана Тарнер.
Џоан Колинс на забава на Vanity Fair оваа година
Но, Анџелина и Џенифер не се единствените кои добија коментар од познатата актерка од серијата „Династија“. Колинс смета дека популарноста на Шерил Кол се должи единствено на нејзината убавина.
„Мислам дека Шерил Кол е толку популарна, затоа што е убава и јавноста е гладна за прекрасни луѓе... Кога бев млада сите што се појавуваа на екраните беа прекрасни“ – објаснила Џоан.
Џоан Колинс е од ретките актерки кои отсекогаш инсистирале дека нема да се свртат кон козметичката хирургија за да го одржат изгледот. Во врска со тоа, таа признала:
„Жените кои употребуваат козметички операции изгледаат ужасно. Тие не се сакаат себеси. Мене ми се допаѓа како изгледам, среќна сум со начинот на којшто изгледам и не сакам да го менувам. Пред камера мојата кожа не е приближно убава како што беше. Но, по ѓаволите, секоја мора да остари. Мислам дека има нешто застрашувачко кај луѓето кои се во своите 50-ти и 60-ти години, а кои се обидуваат да изгледаат како 30 или 40.“
Домот на Џоан Колинс
Во интервјуто Џоан открила дека тајната за одржувањето на нејзината тежина е во контролирање на големината на порциите.
„Луѓето велат ‘Не е моја вина, тоа се моите жлезди’. Не се, виновна е алчноста“ – дополнила Џоан.