Џенет Џексон и Висам Ал Мана се разведуваат. Релевантни странски медиуми ја потврдија веста за нивната разделба само три месеци по раѓањето на нивното прво дете.
Музичката ѕвезда на 50-годишна возраст го роди синчето Еиса на почетокот од јануари.
Талентираната пејачка и 42-годишниот бизнисмен тајно стапија во брак во 2012 година.
Славната сестра на Мајкл Џексон зад себе има оставено уште два брака. Таа се разведе од Џејмс Дебарџ во 1985 година, по само една година брачен живот.
Во 1991 година, Џенет се венча со Рене Елизондо Џуниор, но нивниот брачен сојуз траеше до 2000 година.
