Викторија Бекам скоро девет месеци се обидуваше да го сокрие големото стомаче, а неодамна изјави дека никогаш не би се разголила за време на бременоста.
Но, нејзиниот сопруг исто како да не ги слушал желбите на Викторија. Дејвид вчера на Facebook објави приватна фотографија од својата бремена сопруга. На црно-белата фотографија може да се види 37-годишната дизајнерка како се сонча.
„Ја сликав оваа фотографија од Викторија додека не гледаше. Изгледа прекрасно, толку сме блиску до раѓањето на бебето“ – напишал Дејвид.
Неодамна Викторија изјави дека е против позирањето со стомаче: „Не сум од тие личности што сакаат да позираат и да се покажуваат кога се бремени. Не велам дека тоа не е во ред. Горда сум што сум бремена и се чувствувам многу благословена и среќна, навистина. Но, не сум таква личност. Па, не, нема да се соблечам. Не мислам дека некој треба да го види тоа, освен мојот сопруг. Апсолутно не“ – рекла таа за WWD.Според информациите пласирани во странските медиуми, Викторија требаше да се породи со царски рез на 4 јули. Во прашање се денови до раѓањето на првата ќерка на Бекамови.