Дарио Панковски ја израдува својата публика со нова песна, насловена „Живот е лото“, со која испраќа порака која поттикнува на размислување за животот и неговата непредвидливост.
Македонскиот пејач ја става во фокус животната игра во која никој не може однапред да знае какви карти ќе му бидат поделени.
„Ова е мојата нова песна ‘ЖИВОТ Е ЛОТО’. Уживајте, размислете и наздравете сами за себе!“ – напиша музичарот, претставувајќи го новото музичко остварување.
Песната е придружена со видео во кое акцентот е ставен на стиховите, наместо на класична видеоприказна.
Автор на музиката и текстот е самиот Дарио Панковски, a аранжманот го потпишува Кристијан Габроски.