Бред Пит и Инес де Рамон ја однесоа својата романса во Грција.
62-годишниот актер со 30 години помладата девојка пристигнаа кај нашиот јужен сосед, каде тој ќе ја снима новата филмска драма „The Riders“.
Парот беше фотографиран во опуштено издание додека пристигнуваше на грчкиот остров Хидра.
Двајцата носеа очила за сонце и големи патнички торби. Ова е нивно прво заедничко појавување во јавност по три месеци.
Филмот е адаптација на истоимениот роман на Тим Винтон и раскажува приказна за маж кој патува низ Европа со својата ќерка во потрага по исчезнатата сопруга. Покрај Пит, во филмот улоги имаат и Џулијан Николсон и Дени Хјустон.
Пит и Инес се заедно од 2022 година, а првпат се појавија на црвениот тепих како пар во 2024 година.
Иако живеат заедно и имаат сериозна врска, блиски извори тврдат дека засега не планираат брак. Пит зад себе има два неуспешни брака со Џенифер Анистон и Анџелина Џоли.
