Бред Пит со 29 години помладата девојка на свадбата на Тејлор Свифт и Тревис Келси, ја официјализираа врската на Instagram

Бред Пит и неговата девојка Инес де Рамон беа меѓу бројните славни гости кои присуствуваа на раскошната свадбена прослава на Тејлор Свифт и Тревис Келси.

62-годишниот актер и неговата 29 години помлада сакана привлекоа големо внимание со своите елегантни и складни модни изданија.

Фризерката Лори Занолети на Instagram објави фотографии од парот непосредно пред свадбената церемонија. 

Пит носеше класичен црн смокинг со машна и очила за сонце, а 33-годишната Инес блесна во впечатлив црн полупроѕирен фустан од тантела со асиметрични прерамки. Својот изглед, таа го надополни со смарагднозелени обетки.

Инес сподели една од фотографиите на Instagram Story заедно со црвено срце и песната „Lover“ од Тејлор Свифт, со што нивната речиси четиригодишна врска практично беше официјализирана на популарната социјална мрежа.

Бред и Инес се заедно од 2022 година, а во последните месеци сè почесто се појавуваат заедно на јавни настани.