Борци од првиот здив: Денес е Светскиот ден на предвреме родените дечиња

Денес облечете се во виолетово, бидејќи тоа е заштитната боја на Светскиот ден на предвреме родените дечиња кој се слави токму на 17 ноември.

За предвреме родени деца се сметаат бебињата родени пред 37-мата гестациска недела. Се проценува дека на светско ниво предвремено се раѓаат по 15 милиони бебиња, а тоа значи 1 на секои 10 бебиња.

Тоа се мали души кои уште од првиот ден на овој свет водат тешка битка, со секој здив и со сите сили се борат за својот живот.

За жал, 1 милион од нив не преживуваат. Предвременото породување на глобално ниво е причина број еден за смртност кај децата под 5 години. Оние кои преживуваат често се соочуваат со нарушено здравје, попреченост, тешкотии во учењето како и проблеми со видот и слухот.

„Прематуритетот останува глобален проблем и водечка причина за смртност на деца до петтата година, додека дел од преживеаните деца се борат со тешки компликации по здравјето“ – пишуваат од Клиниката за гинекологија и акушерство во Скопје, од каде објавија и фотографии од мали борци.

Светскиот ден на предвреме родените деца се слави за да се подигне свеста за оваа појава и да се поттикнат чекори кон изнаоѓање решенија и преземање превентивни мерки, за да се спречат компликациите кои доведуваат до предвремено породување на мајките.

Today is #WorldPrematurityDay
Globally, 1 in 10 of all babies are born preterm - before 37 weeks of pregnancy.

Babies #BornTooSoon deserve every chance at a long and healthy life https://t.co/tRSmFQ4x5a pic.twitter.com/kVOU2Zmf9J

— World Health Organization (WHO) (@WHO) November 17, 2023

Покрај превентивните мерки, потребно е сè повеќе да се истакнуваат и придобивките од методите кои спасуваат животи. Токму затоа, во изминатите години се укажува на важноста на „кенгурирањето“, односно контактот „кожа на кожа“ на мајката и бебенцето.

„Таквиот контакт ја подобрува термичката регулација, спречува инфекција, го стимулира производството на мајчиното млеко и дава позитивни физиолошки, бихејвиорални, психосоцијални и невроразвојни ефекти додека го намалува ризикот од неонатална смртност за 40 проценти“ – изјавуваат од УНИЦЕФ.

Светскиот ден на предвреме родените деца се слави на 17 ноември од 2011 година.

„Мали акции, ГОЛЕМО ВЛИЈАНИЕ: Итна нега кожа на кожа за секое бебе, насекаде“ – е мотото на овогодишната кампања на УНИЦЕФ.

Kangaroo mother care combines skin to skin contact, and exclusive breastfeeding.

For preterm babies, these vital cuddles
� improve survival
� reduce infections
�https://t.co/Jl0dg6bnZ2#WorldPrematurityDay pic.twitter.com/iEphhRXKKz

— World Health Organization (WHO) (@WHO) November 17, 2023

Small and preterm babies need special care and attention, incl.:
Skin to skin contact, starting immediately after birth
Provision of breastmilk
� Prevention and treatment of common infections and difficulties breathinghttps://t.co/tRSmFQ4x5a#WorldPrematurityDay pic.twitter.com/LyRd7IAHif

— World Health Organization (WHO) (@WHO) November 17, 2023

The theme for #WorldPrematurityDay in 2023 is "Small actions, BIG IMPACT: Immediate skin-to-skin care for every baby everywhere." This theme underscores the significance of skin-to-skin contact (Kangaroo care) for all infants, particularly premature babies. pic.twitter.com/seo2rZ9sDN

— Ministry of Health (@MOH_Kenya) November 17, 2023