Бидете хумани! Да му помогнеме на малиот Горазд да ги направи своите први чекори

Отворете го вашето срце и покажете хуманост. Ајде заедно да му помогнеме на Горазд да ги направи своите први чекори.

Горазд Исаковиќ е детенце со посебни потреби. Поради проблеми со колената и колковите, Горазд не може да се движи. Потребна му е хируршка интервенција во Белград за да застане на нозе и да ги направи своите први чекори.

Родителите не се во можност да ги обезбедат финансиските средства потребни за операцијата. Затоа, тие упатуваат апел до сите хумани лица кои можат да одделат мал дел од своите финансиски средства за да му помогнат на Горазд самостојно да зачекори по патеката на животот и да ја пронајде својата среќа, храбро и достоинствено.

Пред околу една недела беше организиран хуманитарен настан во Скопје за собирање средства за помош наменети за Горазд. Други дечиња испратија пораки до нивниот другар.