Анџелина Џоли повторно ќе стане „господарка на сето зло“ во продолжението на „Maleficent“

Филмот „Maleficent“, кој ја раскажа приказната за заспаната убавица од перспектива на злобната самовила, ќе добие продолжение.

Анџелина Џоли одлично се справи со улогата на „господарката на сето зло“, а сега повторно ќе влезе во злобниот костим со рогови за продолжението на дизниевиот филмски проект.

„Ако некогаш требаше да снимам филм за Дизни, овој е тој што сакав да го снимам и мислам дека завршивме добра работа“ – изјавила 40-годишната актерка во интервју за USA Today.

Во првиот дел, кој пред две години ги освои срцата на обожавателите на дизниевите бајки, најмалата ќерка на Џоли ја доби својата прва улога. Вивиен Џоли-Пит ја глумеше детската верзија на принцезата Аурора.

Премиерата на „Maleficent 2“ ќе биде во мај 2017 година.

Дизни најави дека ќе снима уште осум други филмови, меѓу кои и филм за Круела де Вил од „101 далматинец“, со Ема Стоун во главната улога.