Семејството Лохан постојано е присутно во медиумите, Линдзи со својот бурен живот, нејзиниот татко Мајкл со обидите (искрени или не) да ја смири својата ќерка, а нејзината мајка Дина со расправии со бившиот сопруг Мајкл.
Најмалку експонирана беше сестрата на Линдзи, 16-годишната Али Лохан. Но, младата Али нема намера да остане анонимна. Таа стана модел за да ја промовира колекцијата на својата сестра. Изгледајќи барем неколку години повозрасна, Али направи фотосесија со облеката креирана од Линдзи, а инспирирана од Мерилин Монро.
Во меѓувреме стана јасно дека престојот во затвор не ја вразуми проблематичната Линдзи која не успеа да остане понастрана од дрогата и алкохолот. Таа утре треба да се појави на суд и можно е повторно да заврши зад решетки.
