Модната индустрија диктира многу трендови, но само некои од нив влегуваат во Холивуд. Погледнете кои пролетни трендови се наголемо прифатени од славните дами.
Бели чевли со шпиц
Црните чевли не излегуваат од мода, но моментално белите чевли со шпиц се вистински моден хит.
Риги, риги, риги
Ригите се насекаде оваа пролет, па и во плакарите на славните кои успеаја не само да ги инкорпорираат во лежерниот стил, туку и да ги донесат на елегантен начин на црвениот тепих.
Бело сако + кратки панталончиња
Белото сако станува задолжително за топлите денови. Одлично е за комбинирање со фармерки, панталони, но и со кратки шорцеви.
„Кожен“ фустан
Кожата не остана во зимските трендови. Кожените фустани се изборот на славните кои сакаат да покажат позабавен и младешки вечерен изглед.
Стомак на виделина
Кратки блузи и корсети искомбинирани со панталони и здолништа со висок струк, како и фустани со отсечок над папокот, ги истакнуваат тонираните тела на ѕвездите.
Откачен принт
Фустани и костуми со откачен принт редовно го раздвижуваат црвениот тепих.
Женствена чипка
Нежната чипка веќе неколку сезони маѓепсува со богатата текстура и заводничкиот изглед. Најголем дел од холивудските дами веќе ја имаат искористено женственоста на чипката за да блеснат на свечените настани.
