За некои луѓе убавината на партнерот е пресудна за создавањето на врска. Токму таа склоност на луѓето да бидат со убав партнер е искористена од веб сајтот за запознавање BeautifulPeople.com, кој што има строга политика да не прима „грди“ луѓе како свои членови.
Сајтот за запознавање BeautifulPeople.com исфрлил 5000 свои членови само заради тоа што се здебелиле за време на празниците.
За да си направите профил на овој сајт треба да поминете низ строга процедура за оценување на убавината од менаџерите на сајтот, кои одлучуваат дали сте „квалифицирани“ да бидете нивен член или не.
Во периодот по Нова Година, од овој сајт за запознавање биле исфрлени 5000 членови, само поради тоа што качиле по некое килце за време на празниците. Најмногу корисници кои настрадале од строгата политика на менаџерите биле од Америка, Велика Британија и Канада.
Менаџерот на сајтот Грег Хоџ изјавил дека здебелените корисници на сајтот биле вратени во фазата на оценување и само на неколку стотина им било дозволено да се вратат како членови, а останатите 5000 биле отстранети.
На секој од исфрлените му бил пратен e-mail со препорака одново да кандидира откако ќе ослаби.
Основачот на сајтот изјавил: „Ако им дозволиме на дебелите да го посетуваат сајтот, тоа ќе биде директна закана за нашиот бизнис модел и самиот концепт околу кој е создаден BeautifulPeople.com“.