50 години подоцна: Посветен пар си ги пресоздаде свадбените фотографии на 50-годишнината од бракот

За да прослави половина век брачен живот, повозрасен пар си ги пресоздаде фотографиите од свадбениот албум.

На 50-годишнината од бракот, Керолин и Кели позираа во истото издание и во истите пози како на најсреќниот ден од нивниот живот – свадбата.

Парот стапил во брак на 12 март 1971 година. Керолин ја растела својата коса три години за да се подготви за фотосесијата, а на фотографиите го носи оригиналниот фустан од свадбата.

Тие велат дека нивната љубов сè уште трае и дека ги објавиле фотографиите за да измамат насмевка на лицето на луѓето.

„Луѓето бараат добри вести и нешто кон што ќе се стремат. Зарем е нешто подобро од среќни партнери, кои 50 години по свадбениот датум, повторно гледаат еден во друг како да им е прв ден? Се надеваме дека тоа ќе се види на фотографиите“.

„Би било прекрасно ако успееме да насмееме некого“ – велат тие.

Истовремено, Кели има мисија да ја подигне свеста кај луѓето за важноста на донирањето на органи. Тој има добиено бубрег од неговиот син и вели дека без него, сето ова не би било возможно.