„10 години подоцна“: Мајли Сајрус со фотографии потврди дека тајно се венча со Лиам Хемсворт
Мајли Сајрус и Лиам Хемсворт многупати биле центар на гласини дека ја крунисале љубовта со брак. А овој пат, гласините по сè изгледа се вистинити.
Пред неколку дена, се распространија фотографии и видео од нивната мала свадбена прослава, а сега славната пејачка објави фотографии кои потврдуваат дека со Лиам си го кажале судбоносното „Да“.
„10 години подоцна“ – стои во описот на една од сликите на кои Мајли носи бел фустан од Вивиен Вествуд.
— Miley Ray Cyrus (@MileyCyrus) December 27, 2018
Првите фотографии и видео од приватната свадба ги објави нивен пријател.
Младенците се запознаа за време на снимањето на „The Last Song“ пред речиси една деценија.
Во јуни 2012 објавија дека се верија, но една година подоцна ја раскинаа свршувачката. Неофицијално, парот ја обнови свршувачката пред две години.
