Ако сакате да изненадите некоја од вашите сакани дами со парфем, тогаш најдобар начин да го одберете вистинскиот е да се едуцирате за различните семејства женски парфеми.
Не е лесно да се одбере парфем бидејќи изборот е целосно индивидуален. Мирисот останува со нас во текот на целиот ден, па важно е да се одбере вистинскиот.
Има некои општи правила по кои може да се водите кога сакате да одберете совршен мирис. Прочитајте во нашиот текст како се поврзуваат различните семејства мириси со различни типови личности и така одберете ја вистинската арома за вашата драга личност.
Цветни мириси за романтични и елегантни жени
Цветните мириси се убави, лесни и благи. Потсетуваат на првите денови од пролетта и на убави моменти во природата. Содржат ноти на рози, јасмин, лилјан и други цвеќиња и има нешто во нив што повикува на романтика.
Овие парфеми се идеални за меки и ненаметливи личности. Најчесто се препорачува да се носат на состаноци, прошетки, но и за секојдневна употреба. Тие што ги носат, најчесто уживаат во класични и женствени мириси.
Цветните мириси ќе им се допаднат на тие личности што се водат од своите емоции и на кои љубовта и страста им се важни. Одговараат за личности со женствено и грациозно однесување, па нотите на рози и лилјани совршено ќе се вклопат во нивниот начин на однесување.
За тие жени што зрачат со елеганција и софистицираност, најдобро одговараат сложени цветни композиции со луксузни состојки како ирис и јасмин. Цветните мириси, исто така, може да им се допаднат на весели личност, кои имаат оптимистички поглед на животот или ја гледаат „чашата како полуполна“, бидејќи цветните ноти на нивното тело ќе го засилат чувството на радост и позитивност.
Од овие мириси можат да бидат привлечени и креативните и уметнички души бидејќи можат да најдат нова инспирација во уникатната цветна комбинација.
Дрвни мириси за самоуверени, приземјени и софистицирани дами
Дрвните мириси се карактеризираат со топли, земјени и ароматични ноти добиени од различни видови дрвја, како што се кедрово дрво, сандалово дрво и лимонова трева. Овие мириси во свеста предизвикуваат слики на шуми, природа и на отворен простор, што ги прави привлечни за личности што ги ценат природните мириси и земјените ароми.
Овие мириси имаат топлина и длабочина и нивниот сложен и комплексен состав се задржува на кожата, а аромата на дрво предизвикува чувство на присуство во природа. Овие мириси се најсоодветни за личности што имаат отворен и авантуристички дух и уживаат секој слободен момент да го поминуваат во природа. Истовремено, овие мириси се идеални и за формални настани и свечени пригоди.
Иако може да се чинат како посилни и груби мириси тие имаат софистицирана и рафинирана природа, која е многу привлечна за жени со остроумен вкус и префинета сензибилност. Подарете ги овие мириси на дами што сакаат безвременска класика.
Цитрусни мириси за динамични и енергични жени
Цитрусните мириси се познати по своите светли и живи ноти добиени од растенија како лимон, портокал и грејпфрут. Овие мириси евоцираат слики на сончеви денови полни со уживање и тоа ги прави многу привлечни за поединци што уживаат во живописни и возбудливи мириси.
Ваквите мириси го креваат расположението. На пример, аромата на цитрусно овошје е позната по своите енергични својства, па затоа овие мириси се совршени за засилување на енергијата и мотивацијата.
Идеални се за дами што имаат весел дух бидејќи цитрусните ноти ќе го нагласат нивниот позитивен поглед на животот. Тие се соодветни за личности што сакаат авантура и акција, па им требаат мириси што ќе им дадат чувство на свежина и енергија во текот на денот.
Енергичната и жива природа на цитрусните мириси им се допаѓаат на личности со младешки и разигран дух бидејќи додаваат чувство на радост и спонтаност на нивната личност.
Ориентални мириси за смели, самоуверени и мистериозни жени
Ориенталните мириси се богати, егзотични и сензуални и имаат топли и зачинети ноти како што се ванила, килибар и други егзотични ароми. Овие мириси предизвикуваат чувство на луксуз, мистерија и привлечност, што ги прави особено соодветни за жени што ги имаат овие карактеристики како дел од својот карактер.
Подарете ги овие мириси на жени што зрачат со мистериозна аура и сензуалност и се привлечени од мириси што оставаат траен впечаток. Поради нивниот комплексен и интригантен состав, тие додаваат арома на мистерија околу некоја личност.
Ориенталните мириси, поради нивната волшебна арома, привлекуваат заводливи и самоуверени личности, односно жени што зрачат со самодоверба и сензуалност. Овие мириси ја подобруваат нивната природна привлечност и оставаат траен впечаток каде и да одат.
Жените со софистициран и префинет вкус ја ценат луксузната и раскошна природа на ориенталните мириси, па не пропуштајте овој 8 Март да ги подарите овие мириси на вистински елегантни дами.
Комерцијален текст
