Во нашата држава се регистрирани 23 нови лица позитивни на КОВИД-19 со што вкупниот број на заразени со коронавирус се искачи на 1.465.
Новите случаи се од Скопје (5), Куманово (5), Прилеп (3), Тетово (6), Велес (2) и Неготино (2). Двете лица заведени во ПЕ Неготино, се жители на Демир Капија.
Позитивно е што нагло се зголемува и бројот на оздравени лица. Во изминативе 24 часа, има 111 лица со негативни контролни тестови, а со тоа, оздравени се вкупно 738.
Најмногу од оздравените се од Куманово (74), па следуваат Прилеп (18), Скопје (13), Штип (1), Битола (1), Охрид (1), Крива Паланка (1), Пробиштип (1) и Демир Хисар (1).
На Клиниката за инфективни болести и фебрилни состојби почина пациент од Скопје на возраст од 62 години, а во ГОБ „8 септември“ почина пациентка од Гостивар на 59 години.
Во денешниот извештај на Институтот се евидентирани и две починати лица од околината на Куманово, на возраст од 72 и 79 години, пациентка која се лекувала во домашни услови и пациентка која се лекувала на инфективното одделение во болницата во Куманово.
Последната дистрибуција по градови е следна:
- Скопје – 498
- Куманово – 389
- Дебар – 51
- Штип – 34
- Прилеп – 150
- Тетово – 82
- Струга – 66
- Велес – 71
- Битола – 19
- Охрид – 15
- Кавадарци – 5
- Гостивар –17
- Гевгелија – 4
- Струмица – 2
- Крива Паланка – 5
- Радовиш – 4
- Крушево – 3
- Кочани – 28
- Пробиштип – 2
- Кичево – 2
- Неготино – 9
- Демир Хисар – 1
- Македонски Брод – 2
- Пехчево – 2
- Делчево – 1
- Валандово – 1
- Виница – 2
Направените 386 теста се преку: ИЈЗ – 287, Ветеринарен ф-тет – 11 , Авицена – 14, Биотек – 20, Филип Втори (Жан Митрев) – 23, Систина со PCR метода – 21 и МАНУ – 10. Досега во земјата се направени вкупно 16.436 тестирања на КОВИД-19.
На Клиниката за инфективни болести и фебрилни состојби се примени 2 нови пациенти, а вкупно се хоспитализирани 49. На кислородна поддршка се 28, а на механичка вентилација се 2 пациенти.
Во ГОБ „8 септември“ примени се 5 нови, а вкупно хоспитализирани се 24 пациенти. На респираторна машина се 4 пациенти, а уште 3 се со потешка клиничка слика.
Во болницата во Битола се лекуваат 4 пациенти, а на домашно лекување се следат 3. Во болницата во Штип се хоспитализирани 2 пациенти, а уште 5 се следат на домашно лекување.
На ифективните одделенија во Прилеп, Велес, Куманово, Охрид, Гостивар и Тетово се хоспитализирани вкупно 46 позитивни и суспектни на КОВИД-19.
