Данска е една од земјите кои најмногу се залагаат во борбата против климатските промени. Сега, оваа скандинавска земја најави дека ќе гради вештачки остров поврзан со ветерници, кој ќе обезбедува обновлива енергија за 3 милиони домаќинства.
Овој остров е планирано да опфаќа површина од 120.000 m2, или околу 18 фудбалски игралишта, а ќе се наоѓа во Северно Море на 80 километри од копното.
Целата инвестиција ќе чини околу 28 милијарди евра и се очекува островот да биде финиширан до 2033 година. Во следните фази, овој проект планирано е да обезбедува енергија и за 10 милиони домаќинства, најверојатно и за делови од соседните земји.
Данска цели да ја намали емисијата на јаглероден диоксид за 70% до 2030 година, во споредба со нивото од 1990 година.
„За да победиме во битката против климатските промени мора да бидеме амбициозни, храбри и неконвенционални во начинот на размислување’ – изјавил министерот за надворешни работи на Данска.
