Времето се сведува на тоа како ќе го искористите. Многумина веруваат дека токму времето има моќ да излечи скршено срце. Затоа, за претстојниот Ден на вљубените, брендот Swatch ги става на пиедестал сите со статус „сингл“ и љубовни циници со нова колекција и кампања базирана на свеж и поразличен поглед на најважниот ден во годината кога станува збор за љубовта.
Наместо вообичаени романтични пораки, четири Swatch часовници го комуницираат спротивното. Секој од нив раскажува приказна за скршено срце со совршен комички тајминг, зачинета со стил и доза сарказам што делува речиси терапевтски за лицата кои не се во врска.
P(E/A)NSE-MOI
Специјалната едиција P(E/A)NSE-MOI има црвено ремче со добро познатиот симбол на срце аплициран на задната страна. Но, тоа не е сè. Часовникот доаѓа заедно со кутија за прва помош, во која има и фластери за лекување на „пукнатините“ на скршеното срце!
HATE 2 LOVE
HATE 2 LOVE има повеќе лица и е емотивен ролеркостер. Во текот на денот, црниот дисплеј покажува фраза која се асоцира со невозвратена љубов „I hate to love you“ (Мразам да те сакам). Но, откако ќе падне ноќта, започнуваат да светат зборовите „I love you“ (Те сакам). Звучи познато?
BEATING LOVE/BEATING PINK
Има нешто привлечно во стилот на 70-тите што придонесува секогаш да се во мода, а љубовта на Swatch за сè што е ретро никогаш не пропушта ниту едно отчукување. И BEATING LOVE и BEATING PINK го отсликуваат ретро стилот со линии во боите на виножитото кои го следат пулсот на оној што ги носи по должината на белото ремче до срцевидната форма во центарот.
На овој Св. Валентин, благодарение на Swatch ќе заплачеме... од смеење. Немате испланиран љубовен состанок? Не паничете. Швајцарскиот бренд има решение. Елена Габриел ќе го емитува премиерно своето ново комично шоу на Swatches IGTV и YouTube в недела, 14 февруари во 20 часот по средноевропско време. Австралиската комичарка, говорничка на TEDx и талентот зад YouTube видеото „How to date a French guy“ кое има 2,8 милиони прегледувања, ќе ги насмее дури и оние чие срце е најсилно скршено.
Божиновски часовници и накит е официјален застапник за Swatch на македонскиот пазар.
Комерцијален текст
