Природното си е природно. Понекогаш сè што треба да направите за да ја излекувате главоболката, да го намалите стресот или да ги смирите стомачните тегоби е да тркнете до кујната. Еве која храна може да влезе во улогата на природен лек:
Суво грозје
Против висок крвен притисок
Сувото грозје е богат извор на калиум, кој го намалува и регулира крвниот притисок.
Една шака суво грозје содржи околу 210mg калиум и 1g растителни влакна, коишто се препорачуваат од експертите против хипертензија (зголемен крвен притисок).
Компири
Против главоболка
Доволно е да изедете еден печен неизлупен компир за да ја намалите главоболката, особено ако таа се појавила поради дехидратација или ако е поврзана со консумирање алкохол.
Некои луѓе тврдат дека досадната главоболка им се намалува ако истријат парчиња компир на слепоочниците.
Банана
Против стрес и анксиозност
Нервозни сте или вознемирени? Земете една банана. Бананите се полни со калиум и Б6 и му помагаат на мозокот да произведува серотонин.
Започнете го денот со банана. Така и ќе го подобрите варењето на храната и ќе бидете посмирени во текот на денот.
Туна
Против лошо расположение
Досегашните истражувања покажале дека луѓето што редовно консумираат риба која е богата со омега-3 масни киселини многу поретко страдаат од депресија.
Исто така, туната е богата со селен, а познато е дека луѓето кои не внесуваат доволно селен се вознемирени, меланхолични и редовно уморни.
Босилек
Против стомачни проблеми
Босилекот содржи супстанции кои ги смируваат болките и грчевите во стомакот, а помагаат и против дијареја и нервозни црева.
Користете го босилекот свеж во салати и сосови или пак консумирајте го во форма на чај.
Природен сок од портокал
Против замор
Ако чувствувате дека енергијата ве напушта, исцедете си една чаша сок од портокал.
Фруктозата и витаминот Ц ќе работат заедно за да ви ја вратат силата и да ве направат поенергични.
Чај од камилица
Против горушица (киселини)
Чајот од камилица може да ја подобри работата на дигестивниот систем, да ја намали подуеноста на стомакот и да го намали присуството на гасови.
Пијте чај од камилица неколку пати дневно. Познато е дека овој чај значително релаксира.
Чај од ѓумбир
Против гадење
Многу истражувања потврдиле дека чајот од ѓумбир успешно помага при појава на гадење предизвикано од патување или утрински мачнини во текот на првите месеци од бременоста.
Дополнително, ѓумбирот помага и против дијареја.