6 секојдневни навики кои ви предизвикуваат болка во грбот

Појавата на болки во грбот е една од најчестите поплаки на возрасните луѓе. Причините може да бидат различни и врз некои од нив не можете да влијаете. Но, постојат неколку секојдневни навики кои предизвикуваат болки во грбот, а за кои може да преземете нешто.

Правилното држење на телото е особено важно за да ја избегнете болката во грбот

Предолго седење

Денешниот начин на живот врзува многу луѓе за столица. Дали тоа се случува поради работата, поради задоволството од користење на компјутер или поради мрзеливост, не е важно. Седењето е голем непријател на грбот, затоа што создава за 40% поголем притисок врз грбниот столб, во споредба со стоењето. Плус тоа, ретки се оние кои внимаваат да седат во правилна положба.

Како да си помогнете?
На секој половина час седење правете пауза од 1 до 2 минути. Станете и истегнете се. Прошетајте околу собата и потоа вратете се на столот. Додека седите, внимавајте главата да ви биде исправена (ушите да ви се во иста линија со рамената), а не наведната нанапред како што прават многумина.

Обожавате високи потпетици или рамни чевли

Ако сте обожавателка на високите потпетици, најверојатно ќе страдате од болки во грбот. Високите потпетици предизвикуваат свиткување на грбот и ги натоваруваат грбните мускули. Уште повеќе ќе ја влошите состојбата ако носите сандали. Кога носите сандали, ногата е понестабилна, па тежината се распределува нерамномерно. Но, и рамните чевли не се најдобра опција. Поновите истражувања покажуваат дека модата за носење на балетанки или апостолки предизвикува почеста појава на болки во грбот.

Како да си помогнете?
Сето ова не значи дека треба да ги заборавите високите потпетици или пак модерните балетанки. Единствено треба да внимавате да не ги носите секојдневно и постојано. Високите потпетици до 5 сантиметри не се толку штетни. Кога треба да пешачите на поголемо растојание, носете удобни чевли или патики кои ќе ви ја држат ногата стабилна. Користете влошки во чевлите кои не ви се удобни.

Во вашата чанта може да се најде од сè по нешто

Жените имаат лоша навика со себе да носат апсолутно сè и ставаат во чантата онолку работи колку што собира во неа. Кога носите тешка чанта, немате баланс и едното рамо останува погоре од другото. Така вашиот грб се искривува. Секојдневното носење на тешка чанта несомнено ќе предизвика болки во грбот по извесно време.

Како да си помогнете?
Тежината на чантата не треба да биде поголема од 10% од вашата телесна тежина. Извадете ги сите работи кои не ви се потребни и земете го само најнеопходното. Често префрлувајте ја чантата од едното на другото рамо, за тежината да не паѓа само на едната страна.

Постојано правите стомачни вежби

Желбата за рамен стомак принудува многу жени секојдневно да прават вежби за стомачните мускули. Но, кога правите стомачни вежби, ‘рбетот се искривува во форма на буквата „С“ и ако вежбате подолг период основно само вакви вежби, ќе завршите со болки во грбот.

Како да си помогнете?
Ова не значи дека треба да се откажете од вежбите за стомачни мускули. Едноставно, овие вежби нека бидат дел од една посложена програма за вежбање којашто ќе вклучува вежби и за другите делови од телото. Стомачните вежби всушност многу малку придонесуваат да имате рамен стомак. Потребно е да практикувате кардио вежби за да го отстраните непосакуваниот вишок.

Вашиот душек е премногу стар или спиете во неправилна положба

Ако чувствувате болка во грбот и не можете да ја откриете причината, размислете добро колку е стар душекот на којшто спиете и во каква положба најчесто спиете.

Како да си помогнете?
Експертите советуваат душеците да се менуваат на секои 10 години. Избирајте душек кој не е премногу мек или премногу тврд. Многу е распространето мислењето дека тврдите душеци се подобри, но ако душекот е премногу тврд, може да го зголеми притисокот врз грбниот столб и да ја влоши болката. Спијте на грб или ако ви е поудобно, спијте на едната страна, но држете ги нозете потсвиткани во колената. Немојте да спиете на стомак, особено ако вашиот душек е мек.

Не се релаксирате доволно

Стресот може да предизвика главоболки, болки во вратот, но и болки во грбот. Ако сте постојано напнати и под стрес, мускулите на вратот и грбот се стегаат и ако не се релаксирате често, може да се појави болка во грбот.

Како да си помогнете?
Идентификувајте го стресот како причина за појава на болките. Тоа е првиот чекор. Потоа, релаксирајте се. Правете работи што ве опуштаат. Вежбајте, растегнувајте ги мускулите, смејте се со друштво, читајте убава книга или пак слушајте музика.

Коментари (5)

sonce777

02:15, 11 септември 2010г. #

dodeka go citam ova umiram od bolki vo grbot seto ova mi e poznato sedam na rabota odam na visoki stikli spijam na star dusek isum stalno pod stresovi

a.m.y

16:58, 21 септември 2010г. #

ke pravis poveke vezbi za grbot =]

x-tina

21:53, 28 ноември 2010г. #

i jas imam mnogu golemi bolki vo sredinata na grbot duri ne izdrzilivi ama mojata rabota e bukvalno vrzana za stol i kompjuter sekoja vecer se masiram i cesto mi se prevrtuvaat zili. ama cudno jas koga nosam visoki potpetici bolkata mi pominuva i ne me boli celkoto telo mi e ispraveno i nemam maka inacu sum mnogu zgrbavena neznma da se ispravam se mislam dali da zemam kosmodisk

aunty

12:53, 29 декември 2010г. #

Девојки еве еден испробан лек против болки во кичмата и грбот.
Ставете секоја вечер листови од свежа зелка на грбот во вид на облоги. После вториот пат ке почуствувате неверојатно олеснување. Јас ставам веќе 2 недели, бидејќи се будев секое утро со болки во грбот. Сега тоа е минато.

aunty

13:41, 04 февруари 2011г. #

Iako veke pisav eden lek, sega go najdov resenieto :)
Si kupiv naddusek od memori pena, mi go promeni teloto, zdravjeto raspolozenieto, zivotot.... malku sum dramaticna , ama navistina sum zadovolna, toplo preporacuvam na site sto imaat problem so grbot ili kicmata.
pozz

Напишете коментар

Треба да се најавите за да можете да испраќате коментари.
Ако сè уште не сте регистрирани, кликнете овде.