Зошто да не го прескокнувате појадокот?
Почетна » Здравје » Совети за здравјето » Зошто да не го прескокнувате појадокот?
Авицена лабораторија

Зошто да не го прескокнувате појадокот?

Кога бевте мали, сигурно вашата мајка постојано ви повторуваше дека појадокот е најважниот оброк во денот. Иако таа реченица ви е врежана во главата, веројатно често ви се случува наутро брзајќи да летнете низ врата без да ставите нешто в уста, или пак, велејќи си дека со прескокнување на појадокот ќе заштедите некоја калорија, да гладувате до ручек.

Секое прескокнување на појадокот е грешка која го засегнува и вашето здравје и вашиот изглед.

ПојадокПојадокот е најважниот оброк во денот

Но, зошто е појадокот толку важен? Еве ги најубедливите причини поради кои треба да појадувате секој ден:

1

Појадокот ги подобрува концентрацијата, фокусот и продуктивноста

Појадокот не само што го снабдува со енергија вашето тело, туку го храни и вашиот мозок. Докажано е дека децата кои редовно појадуваат имаат подобри резултати на тестовите на училиште, а возрасните се попродуктивни на работа.

Ако цело утро зјапате во екранот од мониторот без да исполните ниту една задача, тогаш причината за вашата непродуктивност можеби се крие во тоа што сте го започнале денот со две чаши кафе наместо со обилен здрав оброк.

Јадењето наутро ја подобрува концентрацијата и ја зголемува способноста за фокусирање. Веројатно имате почувствувано дека е тешко да се сконцентрирате додека ви кркори стомакот.

2

Појадокот ја зголемува енергијата

Луѓето кои го започнуваат денот со појадок имаат повеќе енергија и можат да издржат поинтензивна физичка активност. Тоа значи дека ако појадувате, поголема е веројатноста да го издржите напорниот час по аеробик и полесно да го оформувате вашето тело.

3

Појадокот го подобрува расположението

Луѓето кои појадуваат го зголемуваат нивото на серотонин во мозокот, што резултира со чувство на благосостојба. Ако не појадувате, поголема е веројатноста да бидете раздразливи и нервозни. Истражувањата покажуваат дека „појадувачите“ помалку страдаат од анксиозност, депресија и хиперактивност.

4

Појадокот го забрзува метаболизмот

Кога не јадете подолг период (во текот на ноќта), телото започнува да „мисли“ дека гладувате и складира повеќе масти. Појадокот го стимулира метаболизмот и го поттикнува телото да согорува калории.

5

Појадокот го контролира апетитот

Иако можеби си мислите дека со утринското гладување ќе го намалите внесувањето на калории и ќе го забрзате слабеењето, реалноста е дека тоа е погрешна стратегија. Ако гладувате во почетокот на денот, истражувањата покажуваат дека подоцна ќе бидете посклони кон прејадување. Луѓето кои не појадуваат прават и полош и понездрав избор на храна во остатокот од денот.

6

Појадокот го намалува ризикот од дијабетес

Кај луѓето кои појадуваат се намалува ризикот од појава на дијабетес, прекумерна дебелина или кардиоваскуларни заболувања.

3 идеи за здрав и брз појадок

Немате време за богат појадок? Еве три брзи предлози за да го започнете денот здраво и енергично:

  • Овесна каша со млеко. Измешајте овесни снегулки со млеко и додајте неколку тенки парчиња јаболко и суво грозје или сушена брусница.
  • Интегрален леб премачкан со путер од кикиритки и јаболко.
  • Тврдо варени јајца, интегрален леб и банана.

Авицена лабораторија

Фемина партнер за рубриката „Здравје“ е Авицена лабораторија, најсовремена специјалистичка дијагностичка лабораторија со традиција од преку 12 години и над 1.000.000 задоволни корисници на услуги.

Во нашите 3 лаборатории во Скопје и Тетово може да добиете јасна слика за Вашето здравје, преку најсовремени клинички лабораториски тестови, од различни области на медицината:

  • Широк дијапазон на рутински и специфични лабораториски анализи: Пнеумослајд, алерготестови преку крв
  • ПРИСКА тест
  • Интолеранција на храна, откривање злоупотреба на дроги, хормони, тумор маркери
  • ПРИСКА тест за трудници, сите видови микробиолошки анализи, инфективни заболувања, сексуално-преносливи болести и мн. други лаб. анализи

Нашиот високоспецијализиран и стручен тим Ви е секогаш на располагање, додека анализите се вршат во комплетно контролирани услови, со постојана контрола на квалитет од странски институти.

Повеќе информации за нашите услуги може да најдете на www.avicenalab.com.mk или на нашата Фејсбук страница

Анкета

Анкета
Каква беше 2016 година за вас?
  • 21%
  • 47%
  • 32%
Се испраќа...

(Вкупно: 1842 гласа)

Цитат

Да бидеш себеси во свет кој константно се обидува да те претвори во нешто друго е најголемото постигнување.

Ралф Валдо Емерсон

Виц

Кога жена вели дека нема што да облече, тоа значи дека нема НОВИ алишта.

Кога маж вели дека нема што да облече, тоа значи дека нема ЧИСТИ алишта.