Летна храна која ќе ви помогне да слабеете

Повеќето луѓе држат диета и активно се занимаваат со фитнес пред почетокот на летото за да бидат во форма уште пред температурите да се покачат. Но, ако не сте успеале навреме да влезете во топ форма, не се разочарувајте.

Летото е идеално годишно време за диета и слабеење. Експертите тврдат дека луѓето кои се на диета во лето постигнуваат поголем успех.

Една од причините за тоа е што сончевата светлина го зголемува нивото на серотонин, хормонот на среќата. Зголеменото ниво на серотонин ја намалува до одреден степен желбата за јадење, особено желбата за консумирање на мрсна или слатка калорична храна.

Друга предност што ја носи летото е можноста да се помине подолго време на отворено. Зголемената физичка активност, било тоа да се обични прошетки низ град или пак спортување во парк, води до поголем број на согорени калории и слабеење.

Лубеницата е корисна и за вашето здравје и за подобрување на вашата линија

Најдоброто од сè е што во лето има толку многу вкусна храна којашто не содржи многу калории. Има изобилство од нискокалорични овошни плодови и зеленчуци, кои ако ги консумирате во големи количини нe само што ќе го подобрат вашиот изглед, туку и ќе го подобрат вашето здравје. Еве некои од нив:

• Лубеница

  Лубеницата е одлично овошје за да ја згаснете жедта во летните горештини, а воедно и да ја задоволите желбата за слатко. И сето тоа без да го зголемите обемот на вашиот струк. Ако се чувствувате гладни и/или жедни, нема да погрешите ако ја задоволите желбата за храна со лубеница.

  Но, лубеницата не е само вода. Таа е корисна храна којашто содржи витамин А, витамин Ц и витамин Б6.

  150g лубеница = 45kcal

• Цвекло

  Цвеклото ги намалува килограмите на различни начини. Тоа помага да се ослободите од вишокот вода што се задржува во телото, ја спречува појавата на запек, а содржи и растителни влакна кои играат важна улога во борбата против масните наслаги.

  Консумацијата на цвекло ќе ви помогне да се справите и со заморот и со депресијата.

  Еден од најважните витамини за жените, фолната киселина, е присутна во цвеклото. Освен тоа, цвеклото е богат извор на магнезиум, железо, витамин Ц и калиум, па го подобрува имунитетот, заштитува од повеќе видови рак (особено рак на дебело црево) и срцеви болести.

  85g цвекло = 37kcal

• Црни сливи

  Без разлика дали ќе ги консумирате свежи или сушени, црните сливи се одлични за одржување на вашата линија, затоа што се нискокалорични, а освен тоа се богати со растителни влакна и витамин Ц.

  Сушените сливи се идеална ужина. Помагаат да го задоволите својот апетит, без притоа да консумирате многу калории.

  66g црни сливи = 30kcal

• Боровинки

  Боровинките се супер-храна која се бори против многу болести, поради тоа што содржи многу антиоксиданси кои ги уништуваат слободните радикали во телото. Тие ја подобруваат циркулацијата, а истовремено ги намалуваат масните наслаги на телото, особено во областа на стомакот.

  Ова овошје е одличен извор на витамин Ц, магнезиум, витамин Е и растителни влакна.

  70g боровинки = 40kcal

• Пиперки

  За нашето поднебје сигурно може да се каже дека се ретки оние кои не консумираат пиперки. За жал, многу почесто пиперките се консумираат обработени, во вид на лутеница, ајвар и сл., а не свежи. Свежите пиперки се богати со витамини, а исто така помагаат за слабеење.

  Сите видови пиперки се богат извор на витамин А, витамин Ц и витамин К. Ако треба да избирате, изберете црвени пиперки, затоа што тие се најздрави. И лутите и благите пиперки содржат супстанција која го зголемува согорувањето на калории.

  1 луто пиперче = 18kcal, 150g благи црвени пиперки = 46kcal

Коментари (10)

bliznacidb

15:48, 21 јули 2010г. #

jas mnogu jadam lubenica znaci koga velam mnogu znaci navistina mnogu.na primer lubenica od 7 kg mozam da ja izedam na dva do tri pati.toa mi e omileno ovosje.

irenna

19:37, 21 јули 2010г. #

Ова со лубеницата го применувам, ме заситува , летово лебот го заменив со лубеница :)

tanya

16:39, 24 јули 2010г. #

Јас многуу јадам пиперкии поточно ОБОЖААААААААВВВАММ!! :)

lady.el.mistique

15:13, 25 јули 2010г. #

se moze osven crnite slivi :) mn retko gi primenuvam :D

mimica22

14:39, 05 август 2010г. #

mojot fitnes trener gi zabranuva lubenicata,dinjata,bananata i grozjeto poradi toa sto sodrzat mnogu seker....

elenamon

12:04, 13 август 2010г. #

se mojt osven piperki :@

zdenka

19:50, 14 август 2010г. #

Mene od lubenicata mnogu mi se due stomakot i koga jadam lubenica stomakot mi izgleda kako da sum goltnala mala dinja..isto taka i od voda mi se zgolemuva stomakot 3 pati poise od sto mi e :$ :$
dali jas imam nekoi problemi so naduenosta ili..? :$:$
inaku mn e vkusna lubenicata ova leto mnogu ja jadam :D

sancci

20:54, 13 март 2011г. #

Lubenica jadam premnogu i sekogas vo leto sum najslaba :D

smexi

13:33, 17 јуни 2011г. #

а ова kcal што е, тоа се калории?? :)

davidspears

20:43, 23 јуни 2011г. #

kcal - kilokalorii :)

Напишете коментар

Треба да се најавите за да можете да испраќате коментари.
Ако сè уште не сте регистрирани, кликнете овде.