Жељко и Јована Јоксимовиќ беа едни од славните гости на свадбата на синот на Лепа Брена, Филип Живојиновиќ, и пејачката Александра Пријовиќ.
Познатиот српски пар изгледаше елегантно додека позираше на црвениот тепих, пред да се упати кон гламурозната прослава која се одржа во „Белекспоцентар“ во Белград.
37-годишната водителка изгледаше прекрасно во цветен фустан, кој одлично ја истакнуваше нејзината витка фигура осум месеци по раѓањето на близнаците.
На Instagram, Јована објави неколку фотографии од прославата на кои се бакнува со 46-годишниот пејач.
Жељко и Јована се во брак од 2012 година и заедно имаат три деца: 4-годишниот син Коста и 8-месечните близнаци Ана и Срна.