Секој може да научи многу за самодовербата од Шантел Браун-Јанг. Младата девојка страда од витилиго, заболување кое се карактеризира со бели дамки на кожата, но не дозволува тоа да ѝ попречи на патот кон освојување на модниот свет.
Иако во минатото била исмејувана и нарекувана „крава“ и „зебра“, таа научила да се сака себеси и да гледа на својот необичен изглед како на предност, а не како на недостаток.
Шантел, која се нарекува себеси Вини Харлоу, присуствуваше на моден настан во Њујорк. На црниот тепих таа самоуверено позираше во црна креација од LaQuan Smith.
Во последниов период Вини направи големи чекори во модната индустрија. Таа минатата година беше дел од модните кампањи на Desigual и Diesel, а неодамна сними видео за новиот визуелен албум на Бијонсе.
