Вознемирувачко видео: Пи Диди се извини по објавувањето на снимка на која физички ја малтретира бившата
Во ноември минатата година, Касандра Вентура го обвини раперот Пи Диди за силување, физичко малтретирање, дрогирање и принудување на секс со други мажи. Диди веднаш ги отфрли таквите тврдења, но сега, CNN објави видео кое ги поткрепува нејзините обвиненија.
На него се гледа како раперот физички ја напаѓа и ја тепа поранешната девојка Каси во хотел.
Снимките од безбедносните камери се направени на 5 март 2016 година, а на нив се гледа како Диди трча по ходникот од хотелот од лифтот каде се наоѓа Вентура. Потоа ја зграпчува за облеката, ја фрла на подот и започнува да ја удира.
Откако се рашири видеото, Диди се извини за однесувањето и рече дека е свесен за своите постапки.
„Многу е тешко да се навраќаш на најтемните моменти од твојот живот, но понекогаш мораш да го направиш тоа.“
„Го допрев дното и не барам изговори. Моето однесување во тоа видео е неприфатливо. Преземам целосна одговорност за моите постапки во тоа видео, згрозен сум. Ми се гадеше тогаш, кога го направив тоа, ми се гади и сега. Побарав професионална помош, бев на терапија и рехабилитација.“
„Го молев Бог за милост и спасение. Жал ми. Посветен сум на тоа да бидам подобар маж секој ден. Не барам прошка, навистина ми е жал“ – рече тој.
Диди бил склон на неконтролирани изливи на бес и многу често дивјачки ја тепал Каси. Персоналот кој работел за него ги гледал насилствата, но не се осмелувал да зборува против него.
Во судските документи до кои дојде Page Six минатата година, стоеше дека Каси го обвинува Диди (Шон Комбс) дека:
- Ја силувал во нејзиниот дом откако се обидела да го напушти;
- Често ја удирал, тепал, клоцал и газел на стомакот, што резултирало со модринки, пукнати усни, помодрени очи и крварење;
- Го разнесе автомобилот на човек кој имал романтични интереси кон неа;
- Ја принудил госпоѓица Вентура на секс со машки сексуални работници додека мастурбирал и снимал;
- Барал од неа да му го носи огненото оружје во чантата само за да направи да се чувствува неудобно и да демонстрира колку е опасен;
- Ја вовел госпоѓица Вентура во животен стил со прекумерен алкохол и дрога и барал од неа да набави недозволени рецепти за да ги задоволи неговите зависности.
