Вага (23. IX – 22. X)

Среда, 08 Септември 2010

Младата месечина денес е во девица, вашиот сектор на завршетоците и мистиката. Морате да оставите зад себе нешто што веќе не ви служи, за да направите простор за новите работи кои ве очекуваат.

Романтичната Венера денес ќе влезе во шкорпија, вашата куќа на парите и луксузот. Ова е идеален период да си го подобрите имиџот на работното место. Разубавете го просторот околу вас и внимавајте на естетиката. Нема да ви биде тешко, затоа што поседувате талент за тоа.

Септември, 2010

Љубов

И во текот на овој месец нема да ви недостига љубов. Романтичната Венера до 8-ми септември се наоѓа во вашиот знак, а исто така и сексапилниот Марс до 15-ти септември ќе престојува во вага. Ќе имате посебен сјај во очите и нема да се плашите да флертувате и да го направите првиот чекор. Ќе бидете похрабри од обично.

Меркур до 13-ти ќе се движи ретроградно, па можно е во вашиот живот да се врати некој бивши. Иако ќе ви биде тешко да одолеете на неговиот шарм, имајте на ум дека не ви е потребен некој од минатото за да ја убиете осаменоста. Излезете и бидете меѓу луѓе.

Во втората половина на септември Венера и Марс ќе престојуваат во шкорпија, вашиот сектор на стабилноста. Зголемете го времето што го поминувате со вашиот партнер. Правете ги оние мали нешта што знаете дека тој ги обожава (направете му масажа, дотерајте се, згответе вечера). Верувајте, ќе знае како да ви се заблагодари.

Полната месечина на 23-ти септември е во овен, вашиот сектор на врските. Некои ваги околу оваа дата ќе прослават свршувачка или брак. Други пак ќе научат дека повеќе не треба да се толку зависни од партнерот и дека треба да си вратат дел од слободата.

Пари

Во првите три седмици на септември Сонцето ќе престојува во девица, вашиот сектор на одморот и завршетоците. Нема да имате многу енергија, па искористете ја за да ги довршите започнатите проекти или да ги исполните обврските коишто ги поттурнувате долго време.

Кон 15-ти септември, кога Марс ќе влезе во шкорпија, ќе започнете да се грижите за вашата финансиска состојба. Но, не се плашете, затоа што грижата ќе ви помогне да бидете повнимателни за тоа каде ги трошите парите.

Во текот на септември можно е да започнете да работите во организација за заштита на околината, во здравството или друга дејност поврзана со помагање на луѓето.

Полната месечина на 23-ти септември е во овен, вашиот сектор на партнерствата. Можно е да започнете посериозна врска и на љубовен и на професионален план. Некои ваги на оваа дата ќе потпишат и договор кој ќе им помогне да се издигнат на повисока позиција на работа.

Не се стремете да останете во зоната во која се чувствувате најудобно. Преземете мал ризик, затоа што она што ќе го добиете ќе ви биде од огромна корист.

Здравје

На 9-ти септември Јупитер се враќа во риби, вашиот сектор на здравјето. Тоа ќе ве принуди да пробате нов начин на исхрана или нов тип на физичка активност.

До крајот на годината Уран и Јупитер ќе патуваат заедно, па ќе бидете склони да барате алтернативни начини за лекување и превенција.

2010-та година

Љубов

Ако минатата година ја оценувате како забавна, оваа нема да го продолжи тој тренд. Време е да се зафатите за работа и скоро и ќе немате време да мислите за љубов и романса, особено во првата половина на 2010 година.

За среќа, работите на љубовен план ќе се подобрат во текот на летото. Од јуни до септември, Јупитер и Уран ќе се сретнат во овен, вашата 7-ма куќа на друштвеноста. Може да запознаете некој специјален онлајн, додека патувате или на најнеочекуваниот начин на најнеочекуваното место.

Вагите кои се во сериозна врска или брак најверојатно ќе планираат романтично патување, кое што ќе ја зацврсти нивната врска.

Ако имате чувство дека цело време привлекувате погрешна личност, тоа е поради присуството на Нептун во вашиот романтичен сектор. Тој ќе остане таму уште две години, па не е лоша идеја пред да го отворите срцето пред некого, да го проучите малку неговото минато.

Кон 23 септември може да бидете нефер во однос на вашиот партнер, затоа што поради несогласувањата во вашето семејство, ќе го истурите целиот гнев врз него. Во текот на ноември може да обновите врска со некој ваш бивши.

Пари

Оваа година ќе ја посветите на работата. Првата половина на 2010 и потоа периодот од септември па до крајот на годината, ќе имате чувство дека работата е единственото нешто во вашиот живот. Јупитер и Уран се наоѓаат во риби, вашата куќа на организацијата и дневните активности. Не претерувајте со работата. Фактот дека можете да постигнете сè, не значи дека е добра идеја да го правите тоа.

Мора да станете експерт во вашата област. Можно е да добиете унапредување во работата и потоа да се најдете сред купишта обврски и задачи кои не знаете како да ги решите. Не се откажувајте. Ако ви е потребна обука, не се плашете да ја побарате.

Најголемиот успех во оваа година можеби ќе ви се случи на 11 јули.

Здравје

Во текот на оваа година ќе бидете особено здрави и во убава форма. Присуството на Јупитер во риби, вашиот сектор на добросостојбата, ќе ви го овозможи тоа. Уран и Јупитер во поголемиот дел од годината ќе бидат заедно во риби, па тоа ќе ви донесе енергија и пресврт во начинот на живот. Уран е владетел на технологијата и науката, па голем дел од информацијата поврзана со вашето здравје ќе ја добивате онлајн.

Ако сакате да се ослободите од некоја зависност, најдобриот период за да го направите тоа е од 7 април до 22 јули.

Препорачливо е да се занимавате со пилатес или јога.