Лејди Гага одушеви на синоќешното доделување на наградите Оскар со незаборавен настап. 29-годишната пејачка ја испеа „Til It Happens to You“, која им ја посвети на милионите жртви на силување.
Гага неодамна призна дека била силувана на 19-годишна возраст од маж кој бил 20 години постар од неа, па емоциите кои се испишани на нејзиното лице за време на настапот се сосем разбирливи.
На крајот од моќната изведба на ексцентричната музичка ѕвезда, на сцената се појавуваат жртви на силување, на чии раце се испишани зборови како „Не е твоја вина“, „Не сум сам“ и „Тоа ми се случи мене“.
Лејди Гага беше номинирана во категоријата Најдобра песна со „Til It Happens to You“, која ја сними за документарниот филм „The Hunting Ground“.
Погледнете го нејзиниот настап кој несомнено ќе ве наежи.
Видео
