Масажата е силно оружје во борбата со целулитот. Во оваа статија ќе ви ги разоткриеме тајните на масажата со мед. Овој тип масажа бил користен во древниот Тибет, а денес е распространет низ целиот свет.
По прилагањето на масажата со мед, кожата останува мека и постегната. Медот ги апсорбира токсините и помага да се исфрлат од телото. Масажата со мед ја подобрува лимфната и крвната циркулација.
Како да си направите ефективна масажа?
За да си направите една ефективна масажа ви е потребен природен мед и масло за масажа. Маслото може да биде од лаванда, нане, лимон, портокал, еукалиптус или некое друго, кое ви е подостапно.
- На секоја чајна лажичка мед, додајте 5 капки масло или микс од различни масла. Ако ги масирате само задникот и бутовите, доволни ви се 2 чајни лажички мед и 10 капки масло. Медот и маслото смешајте ги непосредно пред да ја правите масажата. Ако користите различни масла најдобро е прво да направите смеса од нив и потоа да го додадете медот.
- Смесата која сте ја приготвиле нанесете ја на рацете. Потоа премачкајте ги областите засегнати од целулит. Дел од смесата треба да остане на вашите раце.
- Залепете ги рацете на телото и полека одлепувајте ги. Во почетокот правете го тоа бавно и внимателно.
- Откако ќе се привикнете, започнете посилно да ги прилепувате и побрзо да ги одлепувате рацете.
- Масажата треба да трае од 5 до 10 минути. Потоа отстранете ја смесата со топла вода. Премачкајте го телото со хидратантен лосион или млеко. Се препорачува оваа масажа да ја практикувате 15 дена.
!
Внимавајте! Како последица на масажата може да се појават модрици кои брзо исчезнуваат. Првите неколку дена масажата предизвикува болка, но потоа телото се привикнува и масирањето е полесно и помалку болно.
