Состојки
Шпагети болоњезе
| 450g | шпагети (1 пакетче) |
| 450g | телешко мелено месо |
| 400ml | доматно пире |
| 1 | глава кромид |
| 1 | морков |
| 3 | чешниња лук |
| 80ml | масло |
| 1 | чајна лажичка оригано |
| 1 | супена лажичка магдонос |
| 150g | пармезан |
| црн пипер |
| вегета |
| сол |
Подготовка
- Ставете на оган тавче со 50ml масло. Откако ќе се загрее маслото, додајте ги во него морковот и кромидот, ситно исечкани.
- Кога кромидот ќе добие златна боја, во тавчето ставете го и меленото месо и пржете ги состојките 5-6 минути.
- Потоа во тавчето додајте го доматното пире и лукот. Пржете додека не ја постигнете саканата густина.
- Кон крајот на готвењето зачинете го сосот со оригано, црн пипер, вегета и магдонос.
- Во тенџере со вода ставете ги шпагетите да се варат. Во водата додајте го остатокот од маслото (30ml) и малку сол.
- Кога ќе бидат готови шпагетите, можете или да ги измешате со сосот или да ги ставите шпагетите во чинии и врз нив да ставите од сосот.
- Поросете со пармезан и украсете со гранче босилек или магдонос.
Време за подготовка: 45 минути
Шпагети болоњезе