Џенифер Лопез дефинитивно знае како да остави впечаток на холивудските свечености.
Синоќа, 50-годишната актерка мамеше погледи во елегантна црна креација со голема панделка од Жорж Хобеика и накит од 9 милиони долари. Шесте впечатливи дијамантски парчиња накит од Хари Винстон кои ги носеше таа се вкупно 199.26 карати.
Славната музичарка и актерка беше придружувана од својот свршеник Алекс Родригез.
Џенифер беше номинирана во категоријата Најдобра актерка во споредна улога, но за жал, не успеа да добие награда.
Во декември, Лопез сподели видео во кое со огромни емоции се заблагодарува за својата прва номинација на SAG Awards.
