Кога имаш славни родители, многу врати ти се широко отворени...
Ќерките на Силвестер Сталоне самоуверено ги прават првите чекори во светот на модата. Трите девојки беа поканети во Милано од италијанските дизајнери Доменико Долче и Стефано Габана по повод ревијата за машка облека.
18-годишната Систин и 20-годишната Софија, кои дефилираа на самата ревија, беа гостинки и на забавата на модната куќа во модната метропола. И двете носеа креации од Долче и Габана додека позираа покрај својата 48-годишна мајка, поранешниот модел Џенифер Флавин.
За време на ревијата, Флавин седеше во првиот ред со 14-годишната ќерка Скарлет.
Трите сестри годинава ја имаа улогата на Мис Златен глобус на престижната манифестација која се одржа пред една седмица.